Депутат _Нодир Абдувалиев

2021-07-06 21:25:53 Shubhasiz koronavirusga qarshi kurashning yagona yo'li bu vaksinatsiya. Lekin emlanishni ommaviy tarzda majburiy qilinishiga qarshiman. Aksincha, "carrot and stick" yondashuvi, ya'ni taqiq va rag'batlantirish kombinatsiyasidan foydalanish kerak.

Bir tomondan, vaksina olganlarga to'lov yoki xizmatlardan imtiyozlar, qo'shimcha dam olish kunlari, turli xil yutuqli lotoreyalar yoki pulsiz ko'rinishdagi boshqa mukofotlar taqdim etish mumkin.

Boshqa tomondan, 2021yil 1 oktyabrdan savdo va pullik xizmat ko'rsatish subyektlariga faoliyat ko'rsatishi uchun xodimlarning kamida 70% vaksinalangan bo'lishini talab qilish, vaksina olmagan fuqarolarga chetga chiqishni cheklash, samolyot va poyezdlardan foydalanishni yoki sport tadbirlari, konsertlar va savdo markazlariga borishni taqiqlash orqali aholining ma'lum qatlamini bilvosita vaksina olishga majburlash mumkin.

P.S. Aslida vaksina olganlarga 2022 yilgacha tonirovkani bepul qilinsa, menimcha 1 haftani ichida kamida 2 mln odam vaksina olgan bo'lardi)))

@D_Ganiyev Ашу / Түсініктеме

2021-07-06 08:28:37 Янги чоралар

Барча турдаги оммавий тадбирлар вақтинча тўхтатилди

Юртимизда барча турдаги оммавий байрам тадбирлари, спорт мусобақалари, шунингдек, концерт, фестиваль, театр ва кино дастурлари вақтинча тўхтатилди.

Спорт турлари бўйича мусобақаларни мухлисларсиз ўтказишга рухсат берилди.

1 августдан тўйхоналарда оилавий тантана, тўй, маърака ва маросимларни ўтказиш 50 кишидан кўп бўлмаган (яқин қариндошлар ва ушбу туман ҳудудида истиқомат қилувчи бошқа қариндошлар) ҳамда санитария ва гигиена талабларига қатъий риоя этган ҳолда ўтказишга рухсат берилди.
@deputat_abduvaliyev Ашу / Түсініктеме

2021-07-06 07:53:15 Лотин ёзувидаги алифбога ўтиш тезлаштирилади

Хабарларга қараганда, мамлакатимиз Бош вазири Абдулла Арипов барча вазирликлар, идоралар ва ташкилотлар, шунингдек Қорақалпоғистон Вазирлар кенгаши, Тошкент ва вилоятлар ҳокимликларига қуйидагилар лотин ёзувига асосланган ўзбек алифбосида бўлиши таъминланиши кераклиги бўйича топшириқ берган:

барча жой ва кўча номлари;

атамалар;

ташкилотларнинг номлари;

пешлавҳалар;

оммавий тарғибот воситалари;

реклама ва эълонлар;

иш қоғозлари ва турли бланклар.

Таъкидлаш жоиз, ушбу вазифа 2022 йил декабрига қадар амалга оширилиши керак эди. Лекин Ўзбекистон Республикаси мустақиллигининг 30 йиллиги муносабати билан ушбу тадбирлар жадал тус олди.
@deputat_abduvaliyev Ашу / Түсініктеме

2021-07-05 14:48:52 Сайлов комиссияси аъзоси: "Депутат бўлмай ўлларинг!"

Партия кузатувчиларига қўполлик қилаётган ва депутатларга ўлим йўллаётган ҳолат кеча Тошкент шаҳар Халқ депутатлари Яшнобод тумани Кенгашига 26-Жарқўрғон округидан депутат сайловида бўлиб ўтган.

Бу бошланиши...

Ана сайлов!

@deputat_kusherbayev Ашу / Түсініктеме

2021-07-05 09:33:08 Президент матбуот котиби Шерзод Асадов давлат раҳбарининг ҳафталик иш жадвали билан таништирди

Бугун қишлоқ хўжалиги машинасозлиги корхоналарининг трансформацияси юзасидан тақдимот;

Эртага БМТ Бош Ассамблеяси 75-сессияси раиси Волкан Бозкир билан учрашув;

8 июль куни Олимпия захираларини тайёрлаш тизимини такомиллаштириш юзасидан йиғилиш;

9 июль куни рақамлаштириш чора-тадбирлари бўйича тақдимот ўтказилиши мўлжалланган.
@deputat_abduvaliyev Ашу / Түсініктеме

2021-07-04 15:19:31 ССВ ва ФВВ иссиқ об-ҳаводан сақланиш юзасидан
тавсиялар берди

Соғлиқни сақлаш вазирлиги ахборот хизматининг маълум қилишича, Республика шошилинч тиббий ёрдам илмий маркази ва унинг худудлардаги 13 та филиали ҳамда 173 та туман ва шаҳар бўлимларида зарур дори-дармонлар билан етарли миқдорда тўлиқ таъминланган.

Офтоб урган одамни дарҳол соя жойга ётқизиб, уст-бошларни ечиб, муздек сувга чойшабни ҳўллаб бутун танасига ўралади, сочиқни муздек сувга ҳўллаб бошига қўйилади. 

Шунингдек, ҳавони яхши ўтказиб, қуёш нурини қайтарадиган, кенг тикилган ва танага ёпишиб турмайдиган кийимларни кийиш тавсия этилади.

Фавқулодда вазиятлар вазирлигининг таъкидлашича, энг иссиқ вақт — 12:00 дан 16:00 гача кўчага чиқмаслик зарур.

Шунингдек, кўпроқ душ қабул қилиш керак. Қайд этилишича, мунтазам равишда тозаланиш баданга эффектив нафас олишга ёрдам беради. 
@deputat_abduvaliyev Ашу / Түсініктеме

2021-07-02 16:24:00 ЎзЛиДеП Сиёсий Кенгаши Ижроия қўмитасининг ҳозиргина якунига етган навбатдаги мажлисида партия логотипини ўзгартириш масаласи кўриб чиқилди.

Логотип партия Сиёсий Кенгаши йиғилишида тасдиқланиши белгиланди.
@deputat_abduvaliyev Ашу / Түсініктеме

2021-07-02 14:40:11 O'zLiDeP логотипи яна ўзгариши мумкин экан.

Агар ўзгарса бу партия тарихида логотипнинг учинчи янги кўриниши бўлади.

Шахсан мен логотипнинг ҳадеб ўзгартирилишига қўшилмайман. Чунки янги белгига одамларни кўзини ўргатиш узоқ вақт ва ресурс талаб қилади.

@deputat_kusherbayev Ашу / Түсініктеме

2021-07-02 08:45:30 Тошкентда аввал ёпилган учта ковид-марказ яна очилди

Тошкентда коронавирус юқтирган беморлар даволанувчи марказлар «Ўзэкспомарказ» кўргазма мажмуаси базасида, «Универсал» ва «Ёшлик» базаларида қайта фаолият бошлади.

Тошкент ҳокими Жаҳонгир Ортиқхўжаев мазкур марказларга бориб, фаолияти билан танишди.
@deputat_abduvaliyev Ашу / Түсініктеме

2021-07-01 11:54:44 Тошкентга электробуслар олиб келинади

Транспорт вазирлигининг хабарига кўра БМТ Тараққиёт Дастури ва Глобал экология жамғармаси кўмагида Тошкент шаҳри учун электробуслар сотиб олинади.

Ушбу лойиҳа Тошкент шаҳри мисолида атроф - муҳит сифатини яхшилашга йўналтирилган бўлиб, кейинчалик мамлакатимизнинг бошқа шаҳарларида ҳам жорий этилади.
Лойиҳа доирасида Тошкент шаҳри жамоат транспорти учун электробусларни харид қилиш ҳамда пилот лойиҳа тариқасида шаҳарда яшил транспорт йўлагини жорий этиш кўзда тутилган.

Олти йилга мўлжалланган лойиҳага донорлар БМТ Тараққиёт дастури ва Глобал экология жамғармаси томонидан 3,9 млн. доллар маблағ ажратилиши назарда тутилган.
@deputat_abduvaliyev Ашу / Түсініктеме